Tü ekirajaawaakat sünain Ingeniería Civil

Tü ekirajawaakat kanüliakat ingeniería civil shia wanee ekirajawaa süpülajatka akumaja, jee anoukta miichi, puente, karateera, su’unnüle katünasü, jee waneeirua kasa cho’ujaaka namüin na wayuukana.

Tü ekirajawaakat süpülajatü yapain na ekirajaashiikana süpüla natüjüin akumajaa, aainjaa proyectos, natüjainjatüin jamüinjatüin sukumajia nepia na wayuukana sulu’u wanee mma. Ekirajaashii naya sünain mecánica, hidráulica, geotecnia, teoría de estructuras, sukumajia proyectos jee shipiapala wayuu.

Ingeniería Civil

Descargar Ver página completa

Nakuwa’ipa na ekirajaweekana
Wayuuinjana ke’ireekana aa’in anoukta sukuwa’ipa tü kasa mojukat sulu’u woumain jee sulu’u mmakat süpüshua’a. Aainjüinjana naya proyecto sünainpünaaka tü akumajaakat kasa.

Atüjüinjana naya süpüleerua matemática, ayaawaje’era naa’in sünainjee wanee kasa naashaje’erakat, atüjüinjana süpüleerua kasa sünainpünaakat computador süpüla natüjüin, nakumajüin, naainjüin jee ayatüin natuma wanee a’yatawaa sünainpünaaka wanee kasa cho’ujaaka sulu’u woumain.

Jüüjüinjatü nekii, ekirajaainjana naya, nachajaainjatü sukumajia wanee kasa jeketü jee müsia nayawatüinjatü aa’u kasa sünainpünaaka tü na’yataainkat.

Nayaawatamaatüinjatü saa’u wanee kasa süka shi’itaanüin tü na’yataainkat sulu’u tres dimensiones, makalaka cho’ujaain nayaawatüin saa’u tü saja’püinkat nnojotsü shian ne’e tü epintajuushikat sulu’u wanee karalo’uta.

Jülüjüinjatü naa’in nekeraajüin tü nounteekat napüleerua na wayuukana, atüjüinjana naya a’yatawaa namaa waneeinnua jee aashajawaa. Tü a’yatawaakat sünain ingeniería civil süpülajatü a’yatawaa napüleerua na wayuukana. Cho’ujaasü lotüinjatüin ma’in nakuwa’ipa na ekirajaainjanakana.
Nakuwa’ipa na agraduajüshiikana

Shikiipu’uinjana tü a’yatawaa sünainpünaakat ingeniería civil

Ekirajaainjana sünain tü kasa sünainpünakat ingeniería aplicada ma’aka saa’in sünain tü kasa akumajünakat aka wanee kasa, akumajaaka karateera, ekirajawaa sünain sukuwa’ipa tü ejetuu eekat , ekirajaashii sünain tü mmakat, tü wüinkat jee jamüin süpüla wuleeuliin tü mmapa’akat.

Shikiipu’uinjana naya a’yatawaa sünainpünaaka ingeniería civil, yapainjana naya süpüla a’yatawaa namaa waneeinnua.

Ekirajüliinjana naya sünain carreras técnicas, tecnológicas jee müsia universitarias

Pansaainjatü natuma saainjia tü a’yatawaakat ma’aka saa’in: akumaja süchiki, aainjaa shia, kanain shia naa’in süpüla shikeraajüinjatüin. Naainjüinjatü shia sümüin tü empresa a’yataaka sümüiwaa jee shiale tü a’yataakat namüin na laülaashiikana. Ne’itaainjatü napüleerua nekerajüin tü na’yatainkat sükajee lotüin nakuwa’ipa jee nekirajaain sünain.